කටුනායක ගුවන් හමුදා කඳවුරේ ‘ස්කයි ලෙගසි’ සත්කාරක නිවාසය උත්සවාකාරයෙන් විවෘත කෙරේ
ශ්රී ලංකා ගුවන් හමුදාවේ 75 වන සංවත්සර සැමරුමට සමගාමීව වැදගත් සන්ධිස්ථානයක් සනිටුහන් කරමින්, කටුනායක ගුවන් හමුදා කඳවුරේ බණ්ඩාරනායක වත්තේ පිහිටි විශ්රාමික ගුවන් හමුදා නිලධාරීන් සඳහා කැපවූ සත්කාරක නිවාසයක් වන “ස්කයි ලෙගසි - අපි ඔබ වෙනුවෙන් සැලකිලිමත් වෙමු” උත්සවාකාරයෙන් විවෘත කරනු ලැබීය.
මෙම අවස්ථාවට දකුණු අප්රිකාවේ ශ්රී ලංකා මහ කොමසාරිස් සහ ශ්රී ලංකා ගුවන් හමුදාවේ 19 වන ගුවන් හමුදාපති එයාර් චීෆ් මාර්ෂල් උදේනි රාජපක්ෂ (විශ්රාමික) මහතා ප්රධාන ආරාධිත අමුත්තා ලෙස සහභාගී විය. තවද, ගුවන් හමුදාපති එයාර් මාර්ෂල් බන්දු එදිරිසිංහ, ගුවන් හමුදා සේවා වනිතා ඒකකයේ සභාපතිනි ක්රිෂාන්ති එදිරිසිංහ මහත්මිය, මාණ්ඩලික ප්රධානී එයාර් වයිස් මාර්ෂල් ලසිත සුමනවීර, ගුවන් හමුදා කළමනාකරණ මණ්ඩලයේ සාමාජිකයින්, ජ්යෙෂ්ඨ නිලධාරීන්, විශ්රාමික ගුවන් හමුදා නිලධාරීන්ගේ සංගමයේ (RAFOA) සහ ශ්රී ලංකා හිටපු සේවා මුක්ත භට සංගමයේ (SLESA) නියෝජිතයින් ඇතුළු සම්භාවනීය ආරාධිතයින් රැසක් මෙම අවස්ථාවට එක්ව සිටියහ.
සභාව අමතමින්, එයාර් චීෆ් මාර්ෂල් උදේනි රාජපක්ෂ (විශ්රාමික) මහතා මෙම අර්ථවත් මුලපිරීම පිළිබඳව ශ්රී ලංකා ගුවන් හමුදාවට ප්රශංසා කළ අතර, ජාතිය වෙනුවෙන් තම ජීවිත කැප කළ විශ්රාමික නිලධාරීන්ගේ සුභසාධනය පිළිබඳව අවධානය යොමු කිරීමේ වැදගත්කම අවධාරණය කළේය.
විශ්රාමික ගුවන් හමුදා නිලධාරීන්ට ගුවන් හමුදා පවුල තුළ ගෞරවාන්විතව සහ සුවපහසු ලෙස ඔවුන්ගේ සන්ධ්යා කාලය ගත කිරීම සඳහා ආරක්ෂිත පරිසරයක් සපයන අරමුණින් “ස්කයි ලෙගසි” සත්කාරක නිවාසය ස්ථාපිත කර ඇත. මෙම ව්යාපෘතිය 2024 සැප්තැම්බර් 30 වන දින ආරම්භ කර, අදියර කිහිපයක් ඔස්සේ සංවර්ධනය කරමින් සාර්ථකව නිම කිරීමට හැකි විය.
මෙම පහසුකම සැලසුම් කිරීම හා ඉදිකිරීම ගුවන් හමුදා ඉදිකිරීම් ඉංජිනේරු අධ්යක්ෂ මණ්ඩලය විසින් සිදු කර ඇති අතර, සුභසාධන අධ්යක්ෂ මණ්ඩලය විසින් ව්යාපෘතිය සමීපව අධීක්ෂණය සහ සම්බන්ධීකරණය කරනු ලැබීය.
මෙම අවස්ථාවට දකුණු අප්රිකාවේ ශ්රී ලංකා මහ කොමසාරිස් සහ ශ්රී ලංකා ගුවන් හමුදාවේ 19 වන ගුවන් හමුදාපති එයාර් චීෆ් මාර්ෂල් උදේනි රාජපක්ෂ (විශ්රාමික) මහතා ප්රධාන ආරාධිත අමුත්තා ලෙස සහභාගී විය. තවද, ගුවන් හමුදාපති එයාර් මාර්ෂල් බන්දු එදිරිසිංහ, ගුවන් හමුදා සේවා වනිතා ඒකකයේ සභාපතිනි ක්රිෂාන්ති එදිරිසිංහ මහත්මිය, මාණ්ඩලික ප්රධානී එයාර් වයිස් මාර්ෂල් ලසිත සුමනවීර, ගුවන් හමුදා කළමනාකරණ මණ්ඩලයේ සාමාජිකයින්, ජ්යෙෂ්ඨ නිලධාරීන්, විශ්රාමික ගුවන් හමුදා නිලධාරීන්ගේ සංගමයේ (RAFOA) සහ ශ්රී ලංකා හිටපු සේවා මුක්ත භට සංගමයේ (SLESA) නියෝජිතයින් ඇතුළු සම්භාවනීය ආරාධිතයින් රැසක් මෙම අවස්ථාවට එක්ව සිටියහ.
සභාව අමතමින්, එයාර් චීෆ් මාර්ෂල් උදේනි රාජපක්ෂ (විශ්රාමික) මහතා මෙම අර්ථවත් මුලපිරීම පිළිබඳව ශ්රී ලංකා ගුවන් හමුදාවට ප්රශංසා කළ අතර, ජාතිය වෙනුවෙන් තම ජීවිත කැප කළ විශ්රාමික නිලධාරීන්ගේ සුභසාධනය පිළිබඳව අවධානය යොමු කිරීමේ වැදගත්කම අවධාරණය කළේය.
විශ්රාමික ගුවන් හමුදා නිලධාරීන්ට ගුවන් හමුදා පවුල තුළ ගෞරවාන්විතව සහ සුවපහසු ලෙස ඔවුන්ගේ සන්ධ්යා කාලය ගත කිරීම සඳහා ආරක්ෂිත පරිසරයක් සපයන අරමුණින් “ස්කයි ලෙගසි” සත්කාරක නිවාසය ස්ථාපිත කර ඇත. මෙම ව්යාපෘතිය 2024 සැප්තැම්බර් 30 වන දින ආරම්භ කර, අදියර කිහිපයක් ඔස්සේ සංවර්ධනය කරමින් සාර්ථකව නිම කිරීමට හැකි විය.
මෙම පහසුකම සැලසුම් කිරීම හා ඉදිකිරීම ගුවන් හමුදා ඉදිකිරීම් ඉංජිනේරු අධ්යක්ෂ මණ්ඩලය විසින් සිදු කර ඇති අතර, සුභසාධන අධ්යක්ෂ මණ්ඩලය විසින් ව්යාපෘතිය සමීපව අධීක්ෂණය සහ සම්බන්ධීකරණය කරනු ලැබීය.
